Yapı Kredi Bank Azərbaycan əməkdaşlarının “Təmiz Şəhər” ASC-nin müəsisələrinə ziyarəti!
2023-11-14 14:42:07
-
Əməkdaşlarımız sosial və ekoloji məsuliyyət çərçivəsində “Təmiz Şəhər” ASC – ni ziyarət ediblər. İlk öncə əməkdaşlarımız “Təmiz Şəhər” ASC-yə məxsus bərk məişət tullantıların yandırılması zavodunda, Balaxanı Sənaye Parkında və Balaxanı bərk məişət tullantılarının çeşidlənməsi zavodunda olmuş və tullantıların zərərsizləşdirilməsi, çeşidlənməsi, eləcə də təkrar emal prosesi ilə əyani şəkildə tanış olublar.
Həmçinin, tərəflər arasında geniş fikir mübadiləsi aparılmış və tullantıların düzgün idarə olunması istiqamətində görülən fəaliyyətlərin və mövcud əməkdaşlığın genişləndirilməsinin önəmi vurğulanmışdır. Nəzərinizə çatdırmaq istərdik ki, bankımız tərəfindən tullantıların düzgün idarə olunması ilə bağlı həyata keçirilən fəaliyyətlərə həssaslıqla yanaşırıq.
